到2019-03-10了, 重要嘅日子, 喺大銀幕睇到鳴槍已響, 我慢慢開始jog住, 到START位置了, 睇到係六分幾鐘, 我開始慢慢跑上, 中間慢慢串插人群, 不時睇睇我隻錶, 睇吓自己有冇超出應該跑嘅心率, 到咗半馬了, 係大約兩個鐘, 係我目標時間左右, 氣力仲有喎, 比賽前試過最長嘅長課係28km, 嗰次我係撞牆而無法繼續, 所以今次跑到28km時, 心裡都有啲緊張, 過咗30km了, 感覺唔錯喎, 慢慢增加心率, 每到水站, 人人都向左, 我就向右, 因為自己有帶水, 之前set幾時食鹽丸同power gel, 都一一跟足, 但去到三十尾時, 本想發力, 但發現一發力, 就好想抽筋, 喺正個臨界點了, 我怕臨尾因為抽筋而無法繼續, 所以都係keep返一路嘅Pacing, 見到Nagoya Dome了, 進入了, 眼見仲有一百左右, 唔理3721, 沖呀沖呀, 樣子應該好恐怖, 但唔理了, 沖線一刻, 眼淚都湧出嚟, 就好似bb一樣咁喊, 我嘅初馬呀, 從冇諗過我可以完成一個42.195km嘅跑步比賽, 所以點滴都沖出嚟, 所有以上種種都係值得, 好大感覺呀!
0 Like | 我想留言
日本嘅跑步都有個app, 都會每5km live update選手嘅時間, 朋友都睇住, 我自己每過5km亦諗住遠方嘅朋友都支持住我, 其實都係好大嘅力量, 我睇相信嗰時朋友都睇到好緊張 >3<
0 Like | 我想留言