人生都冇跑過步
記得2018年9月左右, 我跑3km都要死一樣, 老死問我玩唔玩名馬, 我話我冇跑步喎, 跟住問問朋友我半年可唔可以練到跑到一個全馬, 答案係可以, 但要好勤辛, 好, 咁就開始咗我嘅訓練了, 最後完成一個42.195km嘅跑步比賽, 仲要Sub4到, 一切盡在不言中
今次共去五日, 我係飛大阪先, 跟住直去名古屋跑名馬, 跑完留咗一日就去京都, 本來留一晚後第二朝即走, 但係京都太正了, 所以玩到黃昏先返大阪, 再瞓一晚就返香港啦
D1: 出發去名古屋
留言
Cindy: Just wanna let YOU know that I read till the end & LOVE it!!
WELL done, Hidy!!
RESPECT!!
From: A non-runner from Shatin Runners =)
Hidy: Thanks for your suppor and I will keep this up ^^
文女: 第四行,第四個字寫錯😂係艱辛 你好好好叻!無白費咁艱辛號訓練,繼續加油💪💪
Hidy: 哈哈, 等我遲啲改返先, yeah
言行舉止都幾斯文過個呀Joe囉: 😘😘😘
Hidy: 😘😘😘
0 Like | 我想留言
人生都冇跑過步
記得2018年9月左右, 我跑3km都要死一樣, 老死問我玩唔玩名馬, 我話我冇跑步喎, 跟住問問朋友我半年可唔可以練到跑到一個全馬, 答案係可以, 但要好艱辛, 好, 咁就開始咗我嘅訓練了, 當中過程辛苦就梗架啦, 冇咗私人時間, 放工後都係跑,gym完又跑,要朋友就我操跑約嘅飯局,有時飯局後都要跑,長課時嗰種孤單毅力,跑完嘅乳酸,每晚幾夜都要按摩對腳,跑跑吓落雨都要繼續,有幾次任性令腳有傷而停跑嘅失落!
到2019-03-10了, 重要嘅日子, 懷住緊張又期待嘅心情, 去到K區, 不停拉筋, 喺大銀幕跟住應該係一個名星做warm up, 到9:10am, 隠約聽到鳴槍已響, 我慢慢開始jog住, 到START位置了, 睇到大會時間係六分幾鐘, 我開始慢慢跑上, 中間慢慢串插人群, 不時睇睇我隻錶, 睇吓自己有冇超出應該跑嘅心率, 過咗大約10km, 天空落下一滴滴嘅雨點, 涼了, 係好事, 到咗半馬了, 係大約兩個鐘, 係我目標時間左右, 氣力仲有喎, 比賽前試過最長嘅長課係28km, 嗰次我係撞牆而無法繼續, 所以今次跑到28km時, 心裡都有啲緊張, 過咗30km了, 感覺唔錯喎, 慢慢增加心率, 每到水站, 人人都向左, 我就向右, 避開人群, 因為自己有帶水, 之前set咗幾時食鹽丸同power gel, 都一一跟足, 但去到三十尾時, 本想發力, 但發現一發力, 就好想抽筋, 己到臨界點了, 我怕臨尾因為抽筋而無法繼續, 所以決定都係keep返一路嘅Pacing, 見到Nagoya Dome了, 進入了, 眼見仲有一百米左右, 唔理3721, 沖呀沖呀, 樣子應該相當好恐怖, 但唔理了, 沖線一刻, 眼淚都湧出嚟, 就好似bb一樣咁喊, 我嘅初馬呀, 從冇諗過我可以完成一個42.195km嘅跑步比賽, 仲要Sub4到, 所以點滴都沖出嚟, 所有以上種種都係值得, 好大感覺呀!
我只想講, 我已愛上跑步
D2: 名古屋初馬
0 Like | 我想留言