雖然之前曾經都喺雪地行過山露過營, 但係今次算係真正正式咁大風雪進行, 雖然好多甩漏, 但都總算過到, 亦增加咗好多關於雪地行山露營嘅經驗, 我感覺好好, 讀萬卷書不如行萬里路, 自己親身去經歷, 真係好唔同, 所以我覺得自己係幸運的

 0 Like |  我想留言

登山巴士: 雖然自己做晒research, download晒巴士時間表, 但係我冇check清楚平日同假日嘅問題, 尤其係冬天, 平日未必會有巴士班次的, 所以下次都要check清楚, 好彩今次仲有的士去到登山口

 0 Like |  我想留言

山屋: 冬天上山, 我都知有一部份係唔會開, 我之前亦check清楚, 但係估唔到, 有兩間山屋係用同一個web, 我以為我去嘅山屋係開, 結果去到時係關咗門, 咁呢張登山証書嘅後面係有講邊間開同唔開, 只係一心以為佢開, 所以完全冇睇到, 呢個世界就係咁, 千祈唔好一相情願

 0 Like |  我想留言

起步時間: 又有一個低級錯誤, 我望咗地圖, 要用三個鐘, 點知雪地係要起碼乘1.5倍嘅時間, 同埋其實我係應該朝早就起步, 自己心急想去諏訪湖, 諗諗吓, 應該回程先過去, 應該做咗啲正經事, 結果入晒黑我都未一土中弓, 仲要開始落大雪, 山屋又冇開, 大災難

 0 Like |  我想留言

Tent: 其實喺雪地, 當然應該要用4 season tent, 咁今次我用3 season, 當然就差啲啦, 試過後, 我覺得最主要係四邊佢唔掂地, 咁啲風同凍氣都會流入營裡, 溫度keep唔到, 其他都還可以

 0 Like |  我想留言

Setup: 雖然嚟呢度前, 我知道要整平塊地先起, 但因為太夜到, 加上大風雪, 我嘗試用鞋整, 但基本上好難, 但係 …

 0 Like |  我想留言

我第二朝先發現, 原來呢度係有個剷囉, 我即時啤幾聲囉, 同埋山屋都會有洗手間開, 記得放入100yen, 上山比錢去洗手間喺日本係好普遍啊

 0 Like |  我想留言

結冰: 行完一日山, 就算點凍都會出汗, 夜晚除低咗, 第二朝…硬晒, 哈哈

 0 Like |  我想留言

小蛋殼: 我發覺真係好需要, 喺咁凍嘅地方, 就咁坐地下或凳都會凍親patpat, 同埋亦可以喺瞓交時放喺腰位, 再隔多啲凍氣

 0 Like |  我想留言

睡袋: 本來我帶咗Sol, 因為曾有人教我套入睡袋, 但係原來Sol係唔透氣, 結果第二朝個Zpack睡袋濕咗, 嚇死我, 後來返到香港再請教朋友, 最好用Gor-text嗰種, 透氣啲, 咁呢張Sol我就放喺睡墊下面, 再隔多啲凍氣

 0 Like |  我想留言

Boots: 第一晚時我放咗喺帳篷下面嘅, 因為以往我都係咁做, 但第二朝發現因為我冇解多啲鞋帶, 結冰了, 自己對手又凍, 好辛苦先解多啲先可以比我著到鞋, 跟住打後我除咗解鬆晒啲鞋帶之外, 直頭放對鞋喺營入面

 0 Like |  我想留言

拉麵: 見山屋, 必食拉麵, 又暖胃, 又滿足心靈, Oishi

 0 Like |  我想留言

水源: 全個山都係, 哈哈

 0 Like |  我想留言

水袋: 個蓋實會結冰, 慢慢開, 唔好整爛啊

 0 Like |  我想留言

燃料+火: 上次喺北岳有個經驗, 高山氣用唔晒, 因為氣壓問題, 今次我真接問sales, 話我會去高山同超凍, 應該用邊隻高山氣, 結果買咗呢一隻, 係可以用到盡晒雞, 好安心, 當然我亦有酒精膏做spare用啦, 另外火機, 要用火石或用火石撻火嘅火機, 平時靚靚嗰啲soto都全部用唔到

 0 Like |  我想留言

結霜: 外脹都有結霜情況, 只要內脹掂唔到都ok

 0 Like |  我想留言

滑雪鏡: 本來諗住穏穏陣陣用滑雪鏡, 點知做漏咗一個step, 結果上山時完全發揮唔到佢嘅功效, 就係要落防霞液, 作為一個潛水員嘅我, 真係老貓燒鬚

 0 Like |  我想留言

Buddy: 本身我比較鐘意自己solo玩, 但喺雪山, 其實真係好應該有個buddy一齊上, 雖然我見到好多日本仔都係自己一個上山, 但係零雪山經驗嘅我, 過咗呢幾日, 我都覺得只係自己運氣唔錯+勁小心, 所以冇大件事發生, 事後我亦承認喺雪山同潛水一樣要行Buddy system

 0 Like |  我想留言

天氣: 平時夏天行山都已經有唔同嘅天氣啦, 更何況喺雪山, 起行時可能比較正常, 一半可能大雪, 轉個彎直頭大風雪, 所以喺雪山都要預備晒所有危險嘅情況

 0 Like |  我想留言

冰爪: 呢個就係我攻頂失敗一個主要原因, 呢款係完全唔適合行雪山, 只係可以喺普通有冰雪嘅馬路用就得, 老實講, 我完全冇諗過係可以咁嚴重, 今次真係當頭棒, 都係嗰句, 唔好以為自己諗嘅嘢係必然啱, 所有山或海嘅活動, 都要中肯啲去思考, 睇多啲問多啲吸收多啲

 0 Like |  我想留言

攻頂: 今次攻頂失敗, 嗰一刻我停咗喺度, 體溫好快就下降, 我望住赤岳嘅山頂, 再望望前面條路, 心裡都有心理備, 今次行雪山經驗不足(其實係冇), 我知道我已經嘗試過了, 有好多嘢都唔可以勉強自己, 眼角流咗一滴眼淚, 但好快就結冰了, 我大叫"我下次一定會著啱gear, 預備足夠, 我一定會再返嚟, 您等我"

 留言

kf: 你攻頂嗰時上下身著緊咩gear足夠保暖外又唔會太焗:O?
  Hidy: 已更新咗我呢一頁, 你可以望吓 ^^

 0 Like |  我想留言

能量: 一回頭, 當然即刻食返枝朱古力bar先啦, 我要energy呀

 0 Like |  我想留言

講吓我行雪山嘅gear

頭: 頭盔 > 羽絨帽 | 滑雪鏡/太陽眼鏡 | Freeze頸套 > 薄頭套
身: (六層) 防水褸 > Freeze > 羽絨 > 羊毛底衫 > Heattech薄長袖 > 速干短袖 [Freeze同羽絨應該調轉次序會好啲, 不過我件Freeze好大件, 哈哈]
手: 防水手套 > 羽絨手套
腳: 防水褲 > 羽絨三個骨褲 > 羊毛Leggings > Heattech薄長褲
鞋: Gore-tex鞋(但唔係完全防到水, 所以呢個要留意, 有啲係完全防水) > 羊毛袜

基本上我係熱到出晒汗, 哈哈, 主要係行緊時都會體溫上升, 不過唔可以停低太耐, 體溫會急降, 反而我覺得係攻頂開頭唔好著太多衫住, 去到某個位就再加, 咁我覺得會舒服啲, 不過我自己懶, 哈哈

 0 Like |  我想留言

足跡: 雪山行山要留意, 落嘅雪會收埋晒條路甚至係腳印, 雖然我set咗地圖喺錶度, 但都未必可以準確話我知當時我應該點行, 因為連條路都睇唔到, 所以我去程時, 都會特別留意週邊嘅特別環境, 同埋雪上有時會殘留少少用pole整成嘅窿, 所以大家要好留意, 因為真係好容易迷路

 0 Like |  我想留言

拆營: Gear 點放喺背囊嘅編排當然有考究, 咁本來我啲gear都算ok輕, 所以我主要喺有個大黑袋, 放晒唔可以濕嘅嘢喺入面, 封好膠袋, 我會放我個營喺頂, 首先我覺得如果大風起營時, 如果要將所有背囊啲嘢攞晒出嚟先搵到個營嘅話, 咁所有嘢都飛走晒, 同埋有時收營時, 個營係會濕, 放放喺大黑膠袋出面, 咁就穏穏陣陣, 同埋呢款營, 營骨係套入, 拆營時會結晒冰, 都幾難套返出嚟, 所以都預多少少時間拆營

 0 Like |  我想留言

彩數: 行山千祈唔好諗住有彩數, 所有嘢都要well prepared (雖然我次次都有少少運仔), 今次我二點幾離開營地, 行咗大約兩三個鐘先到登山口, 仲要冇巴士要call的士, 點知中途有個日本人話可以車我去最近嘅JR駅, 感動, 因為當刻我其實已經好攰

 0 Like |  我想留言

保養: 啲冰一溶, 好濕呀, 去到酒店, 當然要攞出嚟風乾佢啦, 朝早出門口時攞出嚟, 放一日就乾晒啦, 同埋沈晚都洗晒啲碗碟杯等等

 0 Like |  我想留言

總括嚟講, 今次個trip又雪山, 又攻頂, 又露營, 又滑雪, 又見吓富士山, 真係玩咗好多日, 同埋我玩嘅嘢太多, 要帶嘅嘢亦多咗, 今次有Joe幫忙攞嘢比我, 同埋幫我帶走咗嘢, 咁變咗我就輕便少少啦, 不過下次我都唔會咁樣安排, 哈哈, 聽到都知要帶好多嘢, 啲衫褲我都帶好少, 中間亦要安排有洗衫環節
雖然今次主菜攻赤岳係失敗咗, 但係我反而好開心, 因為感受咗學咗好多我未試過嘅嘢, 尤其喺冬天, 同埋啲細節嘢, 就算好攰好凍, 但內心都係咁熱咁興奮, 因為今次嘅所有經驗, 都係為咗下一次嘛, 總之要記住我行山時嘅格言 "掟埋隻彎就到啦", 哈哈

好啦, 希望大家會鐘意我寫嘅呢個trip啦, 亦希望我少少嘅雪地經驗會幫到大家啦, 下次見 ^^

 0 Like |  我想留言