今次租咗架P2嘅Honda PCX, 125cc, 如果圍住富士山行, 雖然上唔到Toll Highway, 還可以接受嘅, 因為再上一級, 即係上到Toll Highway嘅, 租金貴好多, 不過揸電單車嘅感覺好唔同, 好鬼正啊! 能夠圍住富士山行, 真係好 (雖然望唔到佢嘅真面目, 哈)

 0 Like |  我想留言

富士山, 係一個好神秘嘅地方, 神秘到我還冇機會見佢一面

今次嘅旅遊對我嚟講係好特別, 好重要, 好多第一次, 第一次自己去旅行, 第一次喺外國揸電單車, 第一次可以泊架電單車喺營旁邊, 第一次落足9成日子雨, 第一次三日冇電話用, 第一次第一次.....

為咗今次嘅一人出走露營, 我好早就做咗好多research同準備功夫, 包括路線, 希望可以盡用啲時間, 但當然plan同事實有唔同啦, 有人會鐘意即興, 但我自己就鐘意諗好晒, 今次set好咗啲景點, 有晒地址, 其實好好用, 一禁google map就搞掂, 雖然我去唔晒所有想去嘅地方, 但係因為只係我一個人周圍去, 所以速度可以快好多, 我鐘意就留一陣就閃, 鐘意就留耐啲享受吓, 正啊

今次亦盡力去Ultralight, 但係都比較重, 主要係因為落雨關係, 我帶咗天幕同棍, 即重咗好多, 令我又想快啲整張cuben天幕, 希望可以夾埋個帳篷, 有待研究, 另外衫褲同護膚品亦佔重量嘅一部份, 再下次出走, 我要改善一下呢方面啦, 詳細嘅我喺Gear嗰一頁會再講多啲!

我發覺, 原來去plan一個Trip, 係好開心, 嗰種期待嘅心態, 心跳嘅感覺, 好鬼正, 跟住去到當地, 天氣好差, 所有嘢都唔太順, 包括手機壞咗叉電位, minipad跌爛個Mon等等, 開頭嗰日我係有少少唔開心架, 問自己點解我嘅第一次會咁勤難, 但係我又諗, 如果我跟住嗰五日都係咁嘅心情, 咁真係浪費了, 結果我迎然接受, 跟住就開開心心咁玩每一秒 ^^

今次呢個web, 我每張相都有多咗註解, 希望可以幫到想咁玩法嘅朋友啦

原來一個人去旅行係咁好玩咁過癮, 我平時係比較多甩漏, 自己一個人的話, 令自己更加小心, 更加了解自己 ^^

日本人實在好有禮貌, 對客人亦好nice, 不過啲fashion反而有好多我都有保留, 哈哈, 我亦好鐘意日本嗰種傳統, 一樹一木都好似特別靚特別神秘, 唔怪至得咁多人咁鐘意去日本

好期待下一次嘅Ultralight Trip, 我仍然會做plan, 會因為今次嘅經驗加而改善, 一定會更加正, 哈哈!

 留言

Alan Chan: Enjoy....... hope to see you next trip update.
  Hidy: 下年應該就會有, 到時一定會update大家啊

Leo: 好正呀! 一個人出走超Cool!
  Hidy: 係啊, 同埋好有挑戰啊

 0 Like |  我想留言